陳奕迅做伴郎被玩殘

Eason做伴郎被玩殘 趙學而出嫁榮陞基嫂 39歲趙學而昨日下嫁 40歲建築師 Alan（基哥），正式成為基嫂！好命婆黎瑞恩前晚為新娘子進行上頭儀式，富婆甘比一家到賀，天王陳奕迅（ Eason）首次擔任伴郎被玩殘，在 99秒內飲 9罐可樂及孖蒸，又要穿底褲扮超人，他笑言：「結婚都冇咁辛苦！」 下午 5時 35分一對新人在海鮮舫露天舢舨完成註冊儀式，學而穿上白色婚紗， Alan穿上禮服，在眾賓客祝福和歡呼下，學而從此成為基嫂，而昨日到賀嘉賓包括甘比與女兒劉秀樺、媽咪及妹妹，甘比還拖着一個男仔。另外好友何超儀、徐濠縈、黃偉文等赴宴。前晚上頭儀式由好命婆黎瑞恩為學而上頭，祝福她與 Alan白頭到老。 林一峰、林二汶、劉浩龍擔任兄弟， Eason出任伴郎，廖碧兒任姊妹團，眾人大爆接新娘時玩新郎過程，一峰及二汶說：「要四個兄弟喺 99秒內飲 9罐可樂，仲有 9杯唔同味道調味料，甜酸苦辣乜都有。」 穿着禮服、戴上黑超的伴郎 Eason見到記者即嗌眼瞓，還迷迷糊糊笑說：「今朝早 8、 9點去接新娘，好攰， 99秒要飲晒汽水，我都飲咗兩罐，飲完仲要食辣嘢、飲孖蒸， 12點已經醉晒好 high，仲要做瑜伽、扮超人，將條底褲着喺外面，咁大個仔都未試過，我結婚時，求其行入去（教堂）之嘛，邊有咁辛苦，不過我一定會撐到尾。」 蘋果日報